Kapolres saat melaksankan Apel Pagi
MINAHASA. Di apel pagi hari Senin(9/8/2021) Kapolres sama deng biasa pimpin tu apel. Di apel itu Kapolres kase pengarahan pa depe anggota kong kase inga bae bae tu cara ba kerja kong dia bilang ja kase perhatian akang jangan cuma ja ba hoba tapi ba karja.
Di apel itu ley Kapolres ada ba cek pa anggota untuk ba kerja bae bae deng ciptakan tu depe rasa sadaap kalo ba kerja so deng tu tampa tinggal. Riki ada satu anggota Kapolres da tanya dia tinggal dimana kong anggota bilang tinggal di tanawangko. Karna pe jao kapolres suru tinggal jo di Asrama ada so sadia.
"Saya mau anggota merasa nyaman dalam bekerja dan kerjakan setiap tugas dengan baik agar karir juga terus naik dan sukses, saya orangnya tidak suka menghalang halangi, "Kapolres bilang.
Kapolres Minahasa memang waktu jo dia menjabat sampe sekarang dia pe perhatian sekali pa depe anggota terutama waktu dorang musti ba kerja butul butul sampe dorang pe rasa sadaap ley dia tarukira akang.
Apel seperti biasa ada pembacaan Tri Brata deng Catur Prasetya oleh anggota reserse deng bacaan Panca Prasetya Korpri Oleh ASN Polres Minahasa kong lanjut Penyerahan Penghargaan pa 6 media yang beking berita paling banyak di kegiatan Operasi Yustisi, dan kegiatan Polres laeng di wilayah hukum Polres Mimahasa.
Pimpinan Apel Kapolres AKBP Tomy Bambang Souissa SIk, deng perwira Apel IPDA Boby Elyas.
Kapolres AKBP Tomy Bambang Souissa SIk kase inga depe aggota untuk lebe kase mantap tu pelayanan Publik.
Da hadir di acara itu samua kabag kasat deng anggota di jajaran Polres Minahasa. (Hence Karamoy)
.jpeg)
.jpeg)
